Patawarin mo, o buwan,
di sinasadyang higitan;
ng kanyang karikitan
ang taglay mong kagandahan.
Patawarin mo, o araw,
wag ka munang sumungaw;
taglay mong init ay di pataw
sa liyab na nangibabaw.
Patawarin nyo, mga munting bituin,
na sa langit ay nakabitin;
hindi sapat ang taglay nyong ningning
sa nakatutunaw niyang mga tingin.
O buwan, araw at mga bituin,
panibugho ninyo’y aking diringgin;
ngunit ako sana’y inyong patawarin
nang maibaling sa iba ang aking pagtingin.
- jrdg
No comments:
Post a Comment